【评测】GoodNotes 对 Notability:iPad 最佳 Notes 备忘录 App 是谁?

【评测】GoodNotes 对 Notability:iPad 最佳 Notes 备忘录 App 是谁?,27/07/2022, TechRitual 编辑组,153,,

平板电脑有时用嚟上堂或者温书jot Notes,写下笔记,无聊又可以拎嚟画下画,但系同时配合埋一个好用嘅jot Notes  App 都好重要!而家市面上有两大巨头(?)分别系 GoodNotes 同 Notability (老人家嘅阿爸背後声?:咩来嫁… 我只系识 Evernote… ),咁究竟呢两个 App 有咩最大嘅分别?边个好用啲呢?

网上面有好多比较呢两个 App 嘅片,但系呢两个 App 成日都update,条条片讲嘅version都唔同,好难参考。今次我哋用咗现时两个 App 最新嘅version: GoodNotes 嘅version 5.9.14 同  Notability 嘅version 11.0,同大家逐一比较,等大家清楚晒佢哋各自嘅好与坏,确保大家都可以拣到个最啱自己心水嘅!讲真,有个好用嘅 App 有部tablet有支Pencil,真系会有心机温书多啲~

价钱

本身 GoodNotes 同 Notability 呢两个 App 都系免费Download,但系就要收费先至unlock到更多功能用~而基本上用免费版有好多限制,所以我哋都集中睇收费版。

GoodNotes 比58蚊就可以upgrade,永远享用佢所有嘅功能,而 Notability 就要年费咁比,第一年比68蚊,之後再每年93蚊,而佢声称呢个系26%嘅价。(唔知点解我用另一个Device试佢upgrade要$113第一年,之後每年$153)咁样价钱上嘅比较都好明显 GoodNotes 只需要比一次钱对学生嚟讲系容易负担好多,平过 Notability 一大截,咁但系功能上又系点呢? GoodNotes 系咪真系抵玩,而 Notability 又值唔值呢个价呢?

概括

先讲结论:总括黎讲,其实 GoodNotes 系追求广度,咩都有啲,务求一个 App 可以取代到所有纸本嘅嘢,而 Notability 就系追求深度,觉得jot Notes唔可以就咁hea过就算,应该要好详细,好精美。

其实 GoodNotes 同 Notability 嘅分别就唔系话好大,但佢哋各自「人冇佢有」嘅特点系边呢?

我谂要讲就一定系 Notability 最特别嘅功能:录音!佢有个mic icon,gum落去就可以一路录音一路写嘢,仲可以录好多段merge埋一齐。跟住播翻个录音嘅时候,啲字都会同步好似模拟你写嗰阵咁跟住弹出黎。 呢个功能一定系对嗰啲想温书嘅时候再听多次老师讲解嘅人系世一,平时好易抄完又唔记得自己写乜,呢个就超级方便可以好清晰逐part听返嗰part笔记究竟系讲紧乜。 Notability 仲可以favourite咗嗰堆常用嘅工具,放系左边嗰栏,方便唔洗下下移返上去拣tools。我仲发现plus呢个付费plan系多好多design咗有主题嘅theme template,例如呢啲咁。

至於 GoodNotes 最特别就有flashcard功能可以写个问题同答案,gum study flashcards就可以逐张温,仲可以记录究竟呢条题目easy, good,定系错左要再嚟过,再比个piechart统计你。

佢仲有放大镜功能,咁就唔洗下下两只手指放大张纸先写到嘢,就咁就有个框帮你放大。有一个好适合教书用嘅功能就系有一点红色laser可以画,但系会自己自动消失返。

仲有平时google doc嗰啲咪有共同同步edit一个Document嘅, GoodNotes 一样可以咁样。只要share咗比一个同样有good Notes嘅户口,就可以一齐共用个Document。

仲有一个我觉得都好重要优胜嘅地方,因为依家每个人都基本上有几个Device,iPhone, MacBook, iPad,当啲人系iPad Download咗,佢想系MacBook Download再用系可以restore purchase, 但系 Notability 系一个subscription只可以用喺一个Device,想全部Device都用到个 App 就要超on9咁俾钱。

Template

以前 Notability 有嘅 template少过 GoodNotes 好多,但系依家 Notability 进步咗好多,都算几多元化。两个 App 都有最basic嘅全白、横线、格仔同点点纸、仲有特别啲嘅Cornell纸、daily planner、五线谱。可以拣打横定打直同纸嘅size。

GoodNotes 唔同嘅就系佢独有嘅flashcard、唔同column数目嘅writing papers,仲有唔同款嘅planner同to do list,劲啱嗰啲好中意写手帐嘅人,咁就唔洗年年都要去买过本新嘅schedule book!。

Notability 唔同嘅就有佢独有嘅唔同运动场planner、适合画数学嗰啲图形唔同形状嘅格仔纸,仲有食谱、餐单planner嗰啲。

整体个style, GoodNotes 会比较简单,似muji嗰啲简约feel,背景色都得白色、米色同黑色拣,大部份嘅template系人都用得着。仲有一个最特别就系佢可以拣Notes嘅封面/簿皮; Notability 就会有啲啲设计,背景色除咗头先嗰3只色都仲有好多花款,不过实唔实用就见仁见智,啲template就唔系个个都用得着。

咁我哋 GoodNotes 打埋个title就可以create Notes, Notability 就系create咗先改title嘅。你会见到两个 App 上面都有一行工具列。

笔 萤光笔 擦胶

GoodNotes 嘅笔有3款,分别系钢笔、原子笔同笔刷,钢笔仲有得仔细较佢压落去嘅力度敏感度同每一划个尖嘅尖锐度,所有笔嘅粗幼度都可以自己较。颜色都有preset 15只色,可以自己tune色或者直接打colour code再无限加落preset。

Notability 就有啲唔同,佢得两种笔拣,似系 GoodNotes 嘅钢笔同原子笔,另外多左两种虚线笔,不过就冇得仔细set其他嘢同自己set粗幼度,只系preset咗12种粗幼度,有可能出现呢个又觉得太粗嗰个又觉得太幼嘅问题。颜色就preset咗32只色,可以自己再加32只。

至於萤光笔两个 App 都同笔都大致一样,只不过 GoodNotes preset就得5只色,都一样可以自己加同转萤光笔粗度。

顶…写错字! GoodNotes 嘅擦胶都真系算出色,total有3款,分别系precision擦胶几大就擦几多、standard、同stroke成个笔画擦,size都系自己任较,仲有一个最特别嘅功能就系可以帮你自动lock咗啲字,净系擦萤光笔。又或者如果你唔中意啲字嘅摆位,又可以用个套索工具,选取想郁嗰啲字,再任搬或者resize,甚至帮佢哋改颜色。

想打字嘅话两个 App 都有,基本嘅功能都差唔多,唯一系 Notability 多左可以set favourite最常用嘅设定,仲可以customize成行text toolbar。

平时我哋想画直线要用间尺、画圆圈要用圆规,呢度两个 App 都只要系你画完hold住支笔,就会自己变左做正规嘅形状,直线、圆形、正方形、三角形、星形乜都得,不过试落就good Notes相对敏感小小,hold 1.5秒基本上就ok, 但 Notability 要hold最少大约3秒,有时会出现sense唔到嘅问题。 GoodNotes 仲有个图案功能就even hold都唔洗hold就自动变正规形状,仲可以自动填色。

如果想design下份Notes,两个 App 都有stickers可以拣加落去,有公仔、memo纸等等,呢个位 GoodNotes 嘅preset就得5个,选择就少过 Notability 好多,虽然可以自己import落去,但又要上网搵又要Download就小烦; Notability 啲sticker就有好多唔同theme pack可以加,以量嚟讲就真系大比数胜出。

头先讲过 GoodNotes 开新Notes嘅时候就已经可以用相/Scan Document形式开,但 Notability 就系入左个Notes右上角头先加sticker嗰个加号可以加,仲可以加.gif同网上嘅短片。

写晒一页,我哋就可以加一页新嘅。 GoodNotes 可以就咁拉新一页出黎,但 Notability 就系打到差唔多佢就自动加一页比你。跟住你第二页想要第二款背景template, GoodNotes 系可以转另一款嘅,但 Notability 就只可以用返同一款,或者就算转都要成份Document,每页都转晒,呢个位就有小小唔user friendly。

两个 App 都可以拣横向或者打直咁碌页数,唯一唔同系 Notability 可以跨页写嘢,但系good Notes就唔得嘅。

好,咁写完份Notes之後呢佢就会自动save咗啦,呢两个 App 其中一个最方便嘅功能就系自动upload到cloud或者drive做backup,咁就唔怕万一部机死咗都有留底。仲有一个功能就系text recognition,即系如果你手写好左份Notes,然後你想send比人,但系又嫌自己啲字太丑费事出丑,个 App 可以自动帮你将你手写嘅字辨识做电脑字,咁就可以好方便出一份正式啲见得人嘅Document。 Notability 就可以辨识埋数学符号。

推荐

介绍晒两个 App ,你又拣唔拣到呢?我建议如果用嚟简单温书写笔记多嘅,重视实用,唔系超级无敌追求艺术完美嘅人就拣 GoodNotes ,始终佢系一次性付费,功能上相比起 Notability 其实真系唔大分别,系抵玩好多嘅。 Notability 就主力用喺上堂要间ppt重点,同录低老师把声,之後可以不停重温,觉得呢个功能真系好必须或者好大帮助嘅话,或者想好有 design,好美观嘅话,就应该 Notability 啱你啲。

所以其实最後拣边一个就真系睇你自己偏好同多数点样用,睇你觉得究竟贵左嘅 Notability 系咪真系值,定会唔会 GoodNotes 已经够晒用。最後祝睇紧片嘅您快啲买到个 App 之後,真系努力咗温书读书。

Leave a Reply

Your email address will not be published. Required fields are marked *

7 + seventeen =